मानव बेचबिखन मुद्दामा २६ वर्षदेखी फरार नुवाकोटका तामाङ पक्राउ
नुवाकोट,बैशाख १४ । २६ बर्ष देखि फरार रहेका मानब बेचबिखन तथा ओसारपसार मुद्दाको प्रतिवादी पक्राउ परेका छ्न । मकवानपुर जिल्ला अदालतको मिति २०५५माघ १९ गतेको फैसलाले ९ वर्ष ७ महिना १० दिन कैद तोकि फरार रहेका मानव बेचबिखन तथा ओसारपसार मुद्दाका प्रतिवादी जिल्ला नुवाकोट साबिक बेतिनी गाविस वडा नं.०७ हाल दुप्चेश्वर गाँउपालिका वडा नं. ०४ बस्ने वर्ष ५५ को राम बहादुर भन्ने जंग बहादुर तामाङ पक्राउ परेका हुन ।
तामाङलाई जिल्ला प्रहरी कार्यालयबाट प्रहरी निरीक्षकको नेतृत्वमा प्रहरी टोली खटी गई खोजतलास गर्ने क्रममा वैशाख १२ गते बेलुका ६ बजेको समयमा तादी गाँउपालिका वडा नं.०४ सातबिसे स्थितमा लुकीछिपी हिडि रहेको अवस्थामा फेला पारी पक्राउ गरिएको जिल्ला प्रहरी कार्यालय नुवाकोटले जनाएको छ ।
तामाङलाई १३ गते नुवाकोट जिल्ला अदालतमा पेश गरिएकोमा कैद भुक्तानको लागि कारागार चलान गरिएको छ ।