मोटरसाइकल ठक्करबाट एकको मृत्यु
![](https://www.sajhapath.com/wp-content/uploads/2024/03/20240303_095506.jpg)
मोरङ,चैत ४ । मोरङ पथरीशनिश्चरे–१० का ५४ वर्षीय प्रेमबहादुर चौहानको मोटरसाइकलको ठक्करबाट मृत्यु भएको छ ।
इलाका प्रहरी कार्यालय पथरीका प्रहरी प्रमुख प्रहरी नायव उपरीक्षक गणेशबहादुर श्रेष्ठका अनुसार शनिबार साँझ पूर्व–पश्चिम राजमार्गको पथरीखोला छेउमा पश्चिमबाट पूर्वतर्फ आउँदैगरेको प्र १–०२–०५२ प २२१७ नम्बरको मोटर साइकलले ठक्कर दिँदा गम्भीर घाइते हुनु भएका चौहानको उपचारका लागि विराटनगर लैजाँदै गर्दा बाटैमा मृत्यु भएको हो ।
मोटरसाइकल चालक ५१ वर्षीय किरण घिमिरेलाई प्रहरीले नियन्त्रणमा लिएको जनाएको छ । चौहान बजारबाट तरकारी लिएर घर फर्कँदै थिए ।