कीर्तिमानी उचाईबाट तल झर्यो सुनको भाउ, आज कतिमा हुँदैछ किनबेच ?

काठमाडौं,फागुन ३० । सुनको भाउ कीर्तिमानी उचाईबाट तल झरेको छ । बुधवार छापावाला सुनको भाउ घटेको हो ।अघिल्ला तीन दिन लगातर स्थिर रहेको सुनको मूल्य आज भने प्रतितोला १ हजार रुपैयाँले घटेको हो ।

आजका लागि छापावाला सुनको भाउ १ लाख २५ हजार रुपैयाँ तोकिएको नेपाल सुनचाँदी व्यवसायी महासंघले जनाएको छ । यसअघि सुनको १ लाख २६ हजार रुपैयाँ पुगेर ऐतिहासिक उचाई बनाएको थियो । महासंघका अनुसार बुधवारका लागि तेजावी सुनको खरिदबिक्री मूल्य १ लाख २४ हजार ४०० रुपैयाँ कायम गरिएको छ।

यस्तै, साताको चौथो कारोबार दिन चाँदीको भाउ पनि सस्तिएको छ । आज चाँदी प्रतितोला २० रुपैयाँले घटेर १ हजार ४६५ रुपैयाँ कायम भएको छ । अघिल्लो दिन भने चाँदी १ हजार ४८५ रुपैयाँ कायम भई खरिदबिक्री भएको थियो ।