आज सुनचाँदीको कारोबार मूल्य कति छ ?

काठमाडौं,फागुन २८ । साताको दोस्रो कारोबार दिन सुनको भाउ स्थिर छ । सोमबार नेपाली बजारमा छापावाला सुनको भाउ १ लाख २६ हजार रुपैयाँ कायम भएको छ ।

अघिल्लो दिन पनि सुनको भाउ सोही मूल्य कायम भई खरिदबिक्री भएको थियो । आइतबार सुनको भाउले ऐतिहासिक रेकर्ड कायम गरेको हो । तर, सोमबार भने स्थिर छ ।

यस्तै, आजका लागि तेजावी सुनको भाउ १ लाख २५ हजार ४०० रुपैयाँ तोकिएको नेपाल सुनचाँदी व्यवसायी महासंघले जनाएको छ ।

महासँघका अनुसार उक्त दिन चाँदीको मूल्य पनि स्थिर छ । आज चाँदीको भाउ प्रतितोला १ हजार ४७५ रुपैयाँ तोकिएको छ। अघिल्लो दिन पनि सोही मूल्य कायम भई खरिदबिक्री भएको थियो ।