काउलीको मूल्य बढ्यो
![](https://www.sajhapath.com/wp-content/uploads/2024/03/20240305_064741.jpg)
काठमाडौं,फागुन २२ । बजारमा काउलीको आगमन घट्दा मूल्य भने बढेको छ ।
कालीमाटी फलफूल तथा तरकारी बजार विकास समितिका अनुसार पछिल्लो एक सातामा काउलीको आगमन १७ प्रतिशतले घटेको छ । एक साताअघि कालीमाटी बजारमा ४३ हजार ६९३ किलोग्राम काउली भित्रिएको थियो भने सोमबार ३६ हजार २३० किलोग्राम काउली बजार भित्रिएको छ ।
आगमन घट्दा मूल्य भने ६३ प्रतिशतले बढेको समितिले जनाएको छ । एक साताअघि स्थानीय काउली औसत प्रतिकिलो २७ रुपैयाँमा विक्री भएको थियो भने सोमबार ४५ रुपैयाँ प्रतिकिलो पुगेको छ ।