कैलालीका किसानले पनि सडकमै दुध पोखेर गरे विरोध

कैलाली,फागुन १८ । कैलालीका किसानले पनि सडकमै दुध पोखेर विरोध गरेका छन् ।

कैलालीको अत्तरियामा दूधको भुक्तानी नपाएको भन्दै बिहीवार सडकमा दूध पोखेर स्थानीयले विरोध गरेका हुन् ।

दुग्ध वितरण आयोजना अत्तरिया कैलालीले किसानको रु चार करोड ६४ लाख दुई हजार ४७३ भुक्तानी दिन बाँकी रहेको जनाएको छ ।

दूधको भुक्तानी नपाएको र खरीद मूल्य नतोकिएको भन्दै देशभरका किसान आन्दोलनमा छन् भैरहेका बेला कैलालीका किसान पनि आन्दोलित भएका हुन।

गत मंगलवार ललितपुरका किसानले पनि सडकमा दूध पोखेर विरोध जनाएका थिए ।