आगलागीमा परी दुई बालबालिकाको मृत्यु
![](https://www.sajhapath.com/wp-content/uploads/2024/02/2-Child-death.jpeg)
अछाम,माघ २४ । गोठभित्रमा सल्किएको आगोमा परेर अछामको मेल्लेख गाउँपालिकामा दुई बालबालिकाको जलेर बुधबार बेलुकी निधन भएको छ । मेल्लेख गाउँपालिका दर्वा निवासी छ वर्षीया निरुता बुढा र तीन वर्षीय अंकित बुढाको निधन भएको हो ।
मृत्यु हुनेमा झंकरे बुढाकी नातिनी र जगत बुढाका छोरा भएको अछाम प्रहरीका निरीक्षक राजेन्द्रबहादुर साउदले जानकारी दिए । बेलुकी करिब ६ः१० बजेतिर स्थानीय जयबहादुर बुढा र झंकरे बुढाको घरगोठको ढोकामा बालेको आगो गोठमा राखेको खरमा सल्किएर आगो लागेको थियो ।
घरमा आगो लागेर आफूले दुई जना बच्चाको मृत्यु भएको सुनेको तर बिरामी भएर आफूले त्यस घटनाका बारेमा थप जानकारी नपाएको वडा अध्यक्ष नौले रावलको भनाइ छ ।