सस्तियो डिजेल, पेट्रोलको भाउ, निगमले कति तोक्यो नयाँ मूल्य कति ?

काठमाडौं,माघ १ । पेट्रोलियम पदार्थको मूल्य सस्तिएको छ । नेपाल आयल निगमले डिजेल, पेट्रोल र मट्टीतेलको मूल्य घटाएको हो ।

आजै राती १२ बजेदेखि लागु हुने गरि निगमले माघ २ डिजेल, पेट्रोल र मट्टीतेलको मूल्य प्रति लिटर १ रुपैयाँले घटाएको हो । निगमले अन्य पेट्रोलियम पदार्थको मूल्य भने स्थिर राखेको छ । निगमका अनुसार भारतबाट पेट्रोलको मूल्यमा प्रतिलिटर १ रुपैयाँ २६ पैसा र डिजेल तथा मट्टीतेलको मूल्यमा प्रति लिटर ८३ पैसा घटेर आएको जनाएको छ ।

भारतबाट घटेर आएकोले नेपालमा पनि मूल्य घटाईएको निगमले जनाएको छ ।