चर्चित रेस्लर ‘नुवाकोटे टाइगर’ सम्मानित

काठमाडौं,पुस १७ । नेपालका चर्चित रेस्लर नुवाकोटे टाइगर सम्मानित भएका छन् । सोमबार मदन भण्डारी स्पोर्ट्स एकेडेमिको १५ औँ स्थापना दिवसको अवसरमा रेस्लर टाइगरसहित राष्ट्रिय तथा अन्तरार्ष्ट्रिय खेल जगतमा योगदान पुर्याएका व्यक्तित्व सम्मानित भएका हुन् ।

रिङ्ग रेस्लिङ खेलको बिकासका लागि निरन्तरताको मुल्यांकनसहित नेकपा एमालेका उपाध्यक्ष पुर्व अर्थमन्त्री तथा खेलकुदमन्त्री बिष्णु पाैडेलले टाइगरलाई सम्मान गरेका हुन् ।

कार्यक्रममा नेकपा एमालेका अध्यक्ष एवं पूर्व प्रधानमन्त्री केपी शर्मा ओली, एकेडेमीका अध्यक्ष ध्रुव आचार्य, उपाध्यक्ष जितेन्द्र श्रेष्ठ, उपमहासचिब सुवर्ण श्रेष्ठ लगायतले मन्तव्य राखेका थिए। कार्यक्रममा विभिन्न खेल,गीत र नृत्य प्रस्तुत गरिएको थियोे ।