भद्रुटारको भेडाबारी माध्यमिक विद्यालयका बालबालिकालाई न्यानो कपडा वितरण

नुवाकोट,पुस १४ । जिल्लाको पञ्चकन्या गाउँपालिका वडा नम्बर ५ भद्रुटारमा रहेको भेडाबारी माध्यमिक विद्यालयका बालबालिकालाई न्यानो कपडा वितरण गरिएको छ ।

शनिबार एक कार्यक्रम बीच स्थानीय सामाजिकसेवी बासु गिरी र राजु गिरीको आर्थिक सहयोगमा स्कुले नानीबाबुलाई न्यानो कपडा ट्र्याकसुट वितरण गरिएको विद्यालय व्यवस्थापन समितिका अध्यक्ष रामकुमार गिरीले जानकारी दिए ।

अध्यक्ष गिरीका अनुसार पोशाकका साथै खेलकुद सामाग्री समेत प्रदान गरिएको छ । पोशाक वितरण कार्यक्रममा सहयोगी गिरीद्वय, पञ्चकन्या गाउँपालिकाका अध्यक्ष तेजबहादुर तामाङको उपस्थिति रहेको थियोे । अध्यक्ष तामाङले सेवा क्षेत्रका विद्यालयको शैक्षिक गुणस्तर वृद्धिका लागि पछिल्लो समय गाउँपालिका लागि परेको बताए ।