नुवाकोट शिवपुरीको ग्रामिणदेवी माध्यमिक विद्यालयका बालबालिकालाई न्यानो कपडा वितरण

नुवाकोट,पुस १२ । जिल्लाको शिवपुरी गाउँपालिका वडा नम्बर ७ सुनखानीमा रहेको ग्रामिणदेवी माध्यमिक विद्यालयका बालबालिकालाई न्यानो कपडा वितरण गरिएको छ ।

बिहीबार एक कार्यक्रमका बीच कक्षा नर्सरीदेखि कक्षा १० सम्म अध्ययनरत १३८ जना बालबालिकालाई न्यानो कपडा स्वीटर वितरण गरिएको शिवपुरी गाउँपालिका वडा नम्बर ६ का वडा सदस्य कमल लामा (नुवाकोटे टाइगर) ले जानकारी दिए ।

नुवाकोट एमालेका युवा नेता सुशील कुमार खडकाको सहयोगमा न्यानो कपडा वितरण गरिएको लामाले बताए । न्यानो कपडा वितरण कार्यक्रममा शिवपुरी एमाले नेता जितेन्द्र बिष्ट, नेपाली काङ्ग्रेसका युवा नेता शिव गुणी,चर्चित रेस्लर प्रदिप पाण्डे(साइन), विद्यालयका प्रधानाध्यापक सुर्यबहादुर डङोल लगायतको उपस्थिति रहेको थियोे ।