नुवाकोट शिवपुरीमा रहेको कुम्भेश्वर माध्यमिक विद्यालयका बालबालिकालाई न्यानो कपडा वितरण

नुवाकोट,पुस ५ । जिल्लाको शिवपुरी गाउँपालिका वडा नम्बर ७ सुनखानीमा रहेको कुम्भेश्वर माध्यमिक विद्यालयका बालबालिकालाई न्यानो कपडा वितरण गरिएको छ ।

बिहीबार एक कार्यक्रमका बीच कक्षा नर्सरीदेखि कक्षा १० सम्म अध्ययनरत १८७ जना बालबालिकालाई न्यानो कपडा स्वीटर वितरण गरिएको शिवपुरी गाउँपालिका वडा नम्बर ६ का वडा सदस्य कमल लामा (नुवाकोटे टाइगर) ले जानकारी दिए ।

नुवाकोटका एमाले नेता सुशील खड्काको ब्यक्तिगत सहयोगमा न्यानो कपडा वितरण गरिएको वडा सदस्य लामाले बताए । न्यानो कपडा वितरण कार्यक्रममा एमाले नेता खड्का, शिवपुरी गाउँपालिकाका एमाले नेता जितेन्द्र बिष्ट, कुम्भेश्वर माध्यमिक विद्यालयका प्रधानाध्यापक माधब ठकुरी, शिक्षक/शिक्षिका, विद्यार्थी लगायतको उपस्थिति रहेको थियोे ।