एमाले अध्यक्ष ओलीमाथि मुक्का हान्ने प्रयास

धनकुटा,मंसिर २८ । नेकपा एमालेका अध्यक्ष केपी शर्मा ओली माथि मुक्का हान्ने प्रयास भएको छ । मध्य पहाडी राजमार्गमा संकल्प यात्राको क्रममा धनकुटा प्रवेश गर्नेक्रममा ओली माथि मुक्का प्रहारको प्रयास भएको हो । ओली माथि मुक्का प्रहार प्रयासको भिडियो भने उनी धनकुटाको कार्यक्रम सकेर तेह्रथुमको समेत सभा सकिने समयमा सार्वजनिक भएको छ ।

धनकुटाको लेगुवामा महेश राईले मुक्का हान्ने प्रयास गरेको एक प्रत्यक्षदर्शीले बताएका छन । ओली माथि मुक्का हान्ने महेश त्यसपछि एमाले कार्कयर्ताको मुक्का खाँदै प्रहरी नियन्त्रणमा परेका छन । उनले मुक्का हान्नुको कारण खुलाएका छैनन् । एमालेले भने यो विषय गुपचुप राख्न चाहेको देखिएको छ ।

यता एमालेको केन्द्रीय प्रचार विभागका सदस्य समेत रहेका पत्रकार राजेश राइले महेशले मुक्का हानेको नभइ हुत्तिएको दाबी गरेका छन । उनले ओलीको स्वागतमा बसेको मापसे गर्दा समस्या भएको बताएका छन ।