जिप दुर्घटना हुँदा २२ जना घाइते, ७ को अवस्था गम्भीर

रुकुम,मंसिर ४ । रुकुम पश्चिममा जिप दुर्घटना हुँदा २२ जना घाइएते भएका छन् ।

लु १ ज २२९७ नम्बरको जिप आज बिहान रुकुम–पश्चिमको चौरजहारी नगरपालिका–८ गोइरीज्युलाको कालेगाउँ पुलनजिक दुर्घटना हुँदा २२ जना घाइते भएका छन् । घाइतेमध्ये ७ जनाको अवस्था गम्भीर रहेको जिल्ला प्रहरी कार्यालय रुकुम–पश्चिमका प्रमुख डीएसपी नमराज भट्टराईले जानकारी दिए ।

घाइतेहरुलाई चौरजहारी अस्पताल लगिएको छ । जिप तीव्र गतिमा रहेको तथा ओभर लोडका कारण दुर्घटना भएको हुनसक्ने प्रहरीको अनुमान छ ।