पेट्रोलको भाउ यथावत्, डिजेल–मट्टितेलमा प्रतिलिटर ४ रुपैयाँ घट्यो
काठमाडौं,कात्तिक १५ । नेपाल आयल निगमले पेट्रोलको भाउ यथावत् राखेको छ भने डिजेल–मट्टितेलको मूल्य प्रतिलिटर ४ रुपैयाँ घटाएको छ । निगमले मंगलवार प्रेस विज्ञप्ति जारी गर्दै मंगलबार राति १२ बजेदेखि लागू हुने गरी पेट्रोलियम पदार्थको मूल्य समायोजन गरेको छ ।
नयाँ कायम गरिएको मूल्य अनुसार अब तेस्रो वर्गमा पर्ने काठमाडौं उपत्यकासहित कास्कीको पोखरा र डोटीको दिपायलमा डिजेल–मट्टितेलको मूल्य लिटरको १६४ रुपैयाँ रहेको छ ।
अहिले यी स्थानमा डिजेल प्रतिलिटर १६८ रुपैयाँमा विक्री भइरहेको छ । यी स्थानमा पेट्रोलको १७२ रुपैयाँ यथावत् छ ।
