दशैं बिदापछि सुनको मूल्यले नयाँ रेकर्ड, कतिमा हुँदैछ कारोबार ?

काठमाडौँ,कात्तिक १० । सुनको मूल्यले नयाँ रेकर्ड कायम गरेको छ । दशैं बिदा सकिएसँगै सुनको मूल्य हालसम्मकै उच्च हो। आज छापावाला सुनको मल्य प्रतितोला १ लाख १६ हजार रुपैयाँमा कारोबार भइरहेको छ ।

गत शुक्रबार अथात् कात्तिक ३ गते सुनको मूल्य प्रतितोला १ लाख १५ हजार ५ सय रुपैयाँमा कारोबार भएर नयाँ रकेर्ड कायम भएको थियो । उक्त रेकर्डलाई ब्रेक भएको हो । आज सुनको मुल्य ५ सय रुपैयाँले बढेर प्रतितोला १ लाख १६ हजार रुपैयाँ कायम भएको छ । त्यस्तै, तेजावी सुनको मूल्य प्रतितोला १ लाख १५ हजार ४ सय ५० रुपैयाँमा कायम भएको छ ।

आज चाँदीको मूल्य प्रतितोला १ हजार ४ सय रुपैयाँमा कायम भएको महासंघले जनाएको छ ।