सुनको मूल्यले बनायो नयाँ ऐतिहासिक रेकर्ड, प्रतितोला कति पुग्यो ?

काठमाडौं,कात्तिक २ । फेरि सुनको भाउ महँगीएको छ । बिहीबार छापावाला सुनको मूल्य वृदि भएको हो । आज नेपाली बजारमा छापावाला सुनको भाउ प्रतितोला ५०० रुपैयाँले बढेर १ लाख १३ हजार ७०० रुपैयाँ कायम भएको छ । हाल हालसम्मकै उच्च हो ।

नेपाल सुनचाँदी व्यवसायी महासंघका अनुसार अघिल्लो दिन पनि १ लाख १३ हजार २०० रुपैयाँमा किनबेच भएको थियो । महासँघका अनुसार आजका लागि तेजावी सुनको भाउ १ लाख १३ हजार १५० रुपैयाँ कायम भएको छ ।

यस्तै, आज चँदीको मूल्य भने घटेको छ । आज चाँदी प्रतितोला १५ रुपैयाँले घटेर १ हजार ३९५ रुपैयाँ कायम भएको छ । बुधवार नेपाली बजारमा १ हजार ४१० रुपैयाँमा किनबेच भएको थियो ।