नुवाकोट पञ्चकन्यामा एक वृद्धा मृत भेटिए

नुवाकोट,असोज २५ । जिल्लाको पञ्चकन्या गाउँपालिका-३ तीनघरेमा एक वृद्धा मृत भेटिएकी छिन् । मृत भेटिएकी वृद्धा ७१ वर्षीया नुरकुमारी थापा रहेकी छिन् ।

मृत भेटिएकी वृद्धा गाउँकी एकल महिला हुन भने उनका छोरा भने काठमाडौ बस्दै आएको स्थानीयले बताएका छन् ।

बिहीबार घरमै मृत फेला परेकी उनको निधारमा चोट देखिएकाले हत्याको आशंका गरिएको जिल्ला प्रहरी कार्यालयका सूचना अधिकारी एवं डिएसपी खगेन्द्रबहादुर खड्काले बताए । प्रहरीले हत्याको आशंकमा स्थानीय एक जनालाई नियन्त्रणमा समेत लिएको बताइएको छ ।