सुनको मूल्य बढ्यो, प्रतितोला कतिमा हुंदैछ कारोबार ?

काठमाडौँ,असोज २१। साताको पहिलो दिन सुनको मूल्य उकालो लागेको छ । सुन तोलामा ३०० रुपैयाँले बढेको हो ।

नेपाल सुनचाँदी ब्यवसाय महासंघका अनुसार आज छापावाला सुनको मूल्य एक लाख सात हजार ६०० रुपैयाँ र तेजावी सुनको मूल्य एक लाख सात हजार १०० रुपैयाँमा कारोबार भइरहेको छ ।

त्यस्तै, तिन दिन देखि स्थिर रहेको चाँदीको मूल्य आज भने बढेको छ । चाँदी तोलामा २० रुपैयाँले बढेर प्रतितोला एक हजार ३३० रुपैयाँमा कारोबार भइरहेको छ ।