निरन्तर सस्तिँदै सुनचाँदीको भाउ, आज प्रतितोला कति घट्यो ?

काठमाडौं,असोज १५ । नेपाली बजारमा सुनको भाउ लगातार घटीरहेको छ । पछिल्लो साता छापावाला सुनको भाउ निरन्तर ओरालो लागेको हो ।

यस साताको दोस्रो कारोबार दिन पनि सुनको भाउ प्रतितोला १०० रुपैयाँले घटेको छ । अघिल्लो दिन पनि तोलामा ८०० रुपैयाँले घटेर १ लाख ८ हजार रुपैयाँ कायम भएको थियो । तर, आज पनि घटेर १ लाख ७ हजार ९०० रुपैयाँ कायम भएको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनको भाउ १ लाख ७ हजार ४०० रुपैयाँ निर्धारण गरिएको छ ।

यस्तै, आज चाँदीको मूल्य पनि घटेको छ । आज चाँदी प्रतितोला २० रुपैयाँले घटेर १ हजार ३४० रुपैयाँ कायम भएको छ । पछिल्लो साता चाँदीको मूल्य पनि निरन्तर घटीरहेको छ ।