टोखा झोरका विद्यार्थी सम्मानित (भिडियोसहित)
काठमाडौं,भदौ २ । टोखा नगरपालिका वडा नम्बर १ झोरका एसईई उत्तीर्ण विद्यार्थी सम्मानित भएका छन् ।
शनिबार बौडेश्वर माध्यमिक विद्यालयमा एक कार्यक्रमको आयोजना गर्दै टोखा नगरपालिका वडा नम्बर १ ले विद्यार्थीलाई बधाई ज्ञापन तथा सम्मान गरेको हो ।
सम्मान कार्यक्रममा वडा नम्बर १ का चार विद्यालयका एसईई उत्तीर्ण विद्यार्थीको सहभागिता रहेको थियोे । जस अन्तर्गत पब्लिक अङ्ग्रेजी विद्यालयका २४, बौडेश्वर माध्यमिक विद्यालयका ३१, झोर महाकाल माध्यमिक विद्यालयका २३ र त्रिवेणी सदन अङ्ग्रेजी विद्यालयका २० जना विद्यार्थीको सहभागिता रहेकोे थियोे ।
टोखा नगरपालिका वडा नम्बर १ का अध्यक्ष रमेशकुमार लामिछानेको सभापतित्वमा भएको कार्यक्रममा प्रमुख अतिथि प्रकाश अधिकारी, उपमेयर मुरारी तामाङ, पुर्व वडाध्यक्ष्य श्रीकृष्ण अधिकारी, विभिन्न विद्यालयका शिक्षक तथा प्रधानाध्यापक, विद्यार्थी, दलका प्रतिनिधि लगायतको सहभागिता रहेको थियो ।
कार्यक्रम सम्बन्धित भिडियो