सुनचाँदीको मूल्य घट्यो, कतिमा हुँदैछ कारोबार?

काठमाडौं,साउन २३ । साताको दोस्रो कारोबारको दिन सुनको मूल्य प्रतितोला तीन सय रुपैयाँले घटेको छ ।

अघिल्लो दिन (सोमबार) छापावला सुनको मूल्य प्रतितोला एक लाख १२ हजार चार सय रुपैयाँमा कारोबार भएको थियो भने आज प्रतितोला एक लाख १२ हजार एक सय रुपैयाँमा खरिद बिक्री भएको छ ।

नेपाल सुनचाँदी व्यावसायी महासंघका अनुसार आज तेजावी सुनको मूल्य पनि प्रतितोला एक लाख ११ हजार ५५५ रुपैयाँमा खरिद बिक्री भएको छ । अघिल्लो एक लाख ११ हजार ८५० रुपैयाँमा कारोबार भएको थियो ।

साथै, चाँदीको मूल्य पनि प्रतितोला २५रुपैयाँले घटेको छ । आज प्रतितोला १ हजार ४ सय रुपैयाँमा कारोबार भएको छ । अघिल्लो १४ सय २५ रुपैयाँमा कारोबार भएको महासंघले जानकारी दिएको छ ।