बुद्ध एयर र आइएमई पेबीच भुक्तानी सम्झौता

काठमाडौं,साउन २२ । बुद्ध एयरको वेबसाइट तथा एपमार्फत टिकट खरीद गर्दा आइएमई पेबाट भुक्तानी गर्न मिल्ने भएको छ । आइएमई पे र बुद्ध एयरका प्रतिनिधिबीच आइतवार सोसम्बन्धी सम्झौता भई सेवा शुरू गरिएको हो ।

सम्झौताअनुसार अब यात्रुले यसरी टिकट खरीद गर्दा आइएमई पे छनोट गरी सजिलै पैसा तिर्न सक्नेछन् । साथै यात्रुले प्रत्येक भुक्तानीमा चन्द्रागिरि केबलकारको कुपन पनि नि:शुल्क प्राप्त गर्ने बताइएको छ ।

ग्राहकको सुविधाका लागि सुरक्षित तथा नवप्रवद्र्धित सेवाको माध्यमबाट क्यासलेस सोसाइटी निर्माणमा थप प्रोत्साहन हुने कम्पनीको अपेक्षा छ । प्रयोगकर्ताको हवाई यात्राको अनुभवलाई थप सहज तथा सहुलियतपूर्ण बनाउने उद्देश्यले सम्झौता गरिएको आइएमई पेका प्रमुख कार्यकारी अधिकृत प्रवीण रेग्मीले बताए ।