त्रिभुवन विमानस्थलबाट अहिलेसम्मकै ठूलो परिमाणमा सुन बरामद

काठमाडौं,साउन ३ । त्रिभुवन अन्तर्राष्ट्रिय विमानस्थलबाट ठूलो परिमाणमा सुन बरामद भएको राजश्व अनुसन्धान विभागका अधिकारीहरुले बताएका छन् ।

अहिले पनि अपरेसन चलिरहेकाले कति किलो सुन बरामद भयो भन्ने यकिन भइसकेको छैन । तर ५० किलोभन्दा बढी रहेको उनीहरु बताउँछन् । स्कुटरको ब्रेक सुमा लुकाएर सुन ल्याएको सूचनाका आधारमा राजश्व अनुसन्धान विभागको टोलीले छापा मारेको थियोे ।

यसक्रममा केही व्यक्तिलाई पनि प्रहरीले नियन्त्रणमा लिइसकेको छ । बुधवारको मूल्य अनुसार बरामद सुनको भाउ एक अर्ब ५३ लाख ६७ हजार ५५० रुपैयाँ पर्न जान्छ ।