सुनको मूल्यमा नयाँ रेकर्ड कायम, कतिमा हुँदैछ कारोबार ?

काठमाडौं,साउन ३ । सुनको मूल्यले ऐतिहासिक रेर्कड राखेको छ । आज (बुधबार) सुनको मूल्य प्रतितोला एक लाख १३ हजार एक सय रुपैयाँ कायम रहेको छ । अघिल्लो दिन प्रतितोला एक लाख १२ हजार पाँच सय रुपैयाँमा कारोबार भएकको थियो । यो मूल्य हालसालको उच्च मूल्य हो ।

यसअघि जेठ ३० गते सुनको मूल्यले एतिहासिक रेकर्ड राख्दै प्रतितोला एक लाख १२ हजार सात सय रुपैयाँ पुगेको थियो । नेपाल सुनचाँदी व्यावसायी महासंघका अनुसार आज तेजावी सुनको मूल्य पनि प्रतितोला एक लाख १२ हजार ५५० सय रुपैयाँ कायम रहेको छ । अघिल्लो दिन १ लाख ११ हजार ९५० रुपैयाँमा कारोबार भएको थियो ।

साथै, आज चाँदीको मूल्य पनि १० रुपैयाँले बढेको छ । आज प्रतितोला १ हजार ४ सय ९० रुपैयाँमा कारोबार भएको छ अघिल्लो दिन एक हजार ४ सय ८० रुपैयाँमा कारोबार भएको कारोबार भएको महासंघले जानकारी दिएको छ ।