सुन किन्दै हुनुहुन्छ ? यस्तो छ आजको मूल्य

काठमाडौं,असार २९ । साताको अन्तिम कारोबारको सुनको मूल्य सामान्य वृद्धि भएको छ ।

शुक्रबार (आज) प्रतितोला एक सय रुपैयाँले बढेर छापावला सुनको मूल्य प्रतितोला एक लाख १२ हजार पाँच सय रुपैयाँ कायम रहेको छ । अघिल्लो दिन (बिहीबार) प्रतितोला एक लाख १२ हजार चार सय रुपैयाँमा कारोबार भएको थियो ।

नेपाल सुनचाँदी व्यावसायी महासंघका अनुसार आज तेजावी सुनको मूल्य पनि प्रतितोला एक लाख ११ हजार ९५० सय रुपैयाँ कायम रहेको छ । अघिल्लो दिन प्रतितोला एक लाख ११ हजार ८५० रुपैयाँ कायम रहेको थियो ।

साथै, आज चाँदीको मूल्य प्रतितोला ४० रुपैयाँले बढेको छ । आज चाँदीको मूल्य प्रतितोला १ हजार ४ सय ८० रुपैयाँ कायम रहेको छ । अघिल्लो दिन १ हजार ४ सय ४० रुपैयाँ रुपैयाँमा कारोबार भएको महासंघले जानकारी दिएको छ ।