सुन किन्दै हुनुहुन्छ? यस्तो छ आजको मूल्य

साताको दोस्रो कारोबारको दिन सुनको मूल्य प्रतितोला १ सय रुपैयाँले घटेको छ ।सोमबार छापावला सुनको मूल्य प्रतितोला १ लाख १० हजार रुपैयाँ कायम रहेको छ । अघिल्लो दिन छापावला सुन प्रतितोला १ लाख १० हजार १ सय रुपैयाँमा कारोबार भएको थियो ।

नेपाल सुनचाँदी व्यावसायी महासंघका अनुसार आज तेजावी सुनको मूल्य पनि प्रतितोला १ लाख ९ हजार ५ सय रुपैयाँ कायम रहेको छ । अघिल्लो दिन प्रतितोला १ लाख ९ हजार ५५० रुपैयाँमा कारोबार भएको थियो ।

साथै, आज चाँदीको मूल्य स्थिर रहेको छ । आज प्रतितोला १ हजार ३ सय ७० रुपैयाँमा कारोबार भएको छ । अघिल्लो दिन सोही मूल्यमा कारोबार भएको थियो ।