फेरि घट्यो सुनचाँदीको मूल्य, यस्तो छ आजको बजार भाउ

काठमाडौं,असार ५ । मंगलबलार सुनको मूल्य घटेको छ । साताको तेस्रो कारोबार दिन छापावाला सुनको भाउ प्रतितोला २ सय रुपैयाँले घटेको हो ।

अघिल्लो दिन अर्थात सोमबार १ लाख १२ हजार रुपैयाँमा खरिदबिक्री भएको सुन आज भने घटेको हो । नेपाल सुनचाँदी व्यवसायी महासंघका अनुसार आजका लागि छापावाला सुनको भाउ १ लाख ११ हजार ८ सय रुपैयाँ तोकिएको छ ।

महासंघले तेजावी सुनको मूल्य भने १ लाख ११ हजार २५० रुपैयाँ निर्धारण गरेको छ । तेजावी सुन सोमबार १ लाख ११ हजार ४५० रुपैयाँमा किनबेच भएको थियो ।

यस्तै, आज चाँद्यीको मूल्य भने घटेको छ । आज चाँदी प्रतितोला १० रुपैयाँले घटेर १ हजर ४३० रुपैयाँ कायम भएको छ ।