सुनचाँदीको मूल्य बढ्यो, कतिमा हुँदैछ कारोबार ?

काठमाडौं,जेठ ७ । साताको पहिलो कारोबारको दिन सुनको मूल्य प्रतितोला ८ सय रुपैयाँले बढेको छ ।

आइतबार आज छापावला सुनको मूल्य प्रतितोला १ लाख १० हजार रुपैयँमा कारोबार भएको छ । अघिल्लो दिन छापावला सुन प्रतितोला १ लाख ९ हजार २ सय रुपैयाँमा कारोबार भएको थियो ।

नेपाल सुनचाँदी व्यावसायी महासंघका अनुसार आज तेजावी सुनको मूल्य प्रतितोला १ लाख ९ हजार ५ सय रुपैयामा कारोबार भएको छ । अघिल्लो दिन तेजावी सुनको मूल्य प्रतितोला १ लाख ८ हजार ७ सय रुपैयाँमा कारोबार भएको थियो ।

साथै, आज चाँदीको मूल्य पनि प्रतितोला १५ रुपैयाँले बढेको छ । आज प्रतितोला १ हजार ३ सय ८५ रुपैयाँमा कारोबार भएको छ । अघिल्लो दिन प्रतितोला १ हजार ३ सय ७० रुपैयाँमा कारोबार भएको महासंघले जानकारी दिएको छ ।