निरन्तर सस्तिँदै सुनको मूल्य, प्रतितोला कति घट्यो ?

काठमाडौं,जेठ ५ । साताको अन्तिम कारोबार दिन सुनको मूल्य घटेको छ । पछिल्लो केही दिन सुनको मूल्यमा निरन्तर गिरावट आएको छ ।

आज पनि नेपाली बजारमा छापावाला सुनको भाउ प्रतितोला ५ सय रुपैयाँले घटेर १ लाख ९ हजार २ सय रुपैयाँ कायम भएको छ । अघिल्लो दिन अर्थात बिहीवार भने १ लाख ९ हजार ७ सय रुपैयाँमा किनबेच भएको नेपाल सुनचाँदी व्यवसायी महासंघले जनाएको छ ।

महासंघका अनुसार आजका लागि तेजावी सुनको भाउ भने १ लाख ८ हजार ७ सय रुपैयाँ तोकिएको छ। यस्तै, शुक्रबार चाँदीको मूल्य भने स्थिर रहेको छ । बिहीवार १ जहार ३७० रुपैयाँमा खरिदबिक्री भएको चाँदी आज पनि सोही मूल्य निर्धारण भएको छ ।