थप ३४ जनामा कोरोना संक्रमण, २३ निको

काठमाडौं,जेठ ३ । देशभर पछिल्लो २४ घण्टामा ३४ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार एक हजार १६७ वटा नमुना परीक्षण गर्दा ३४ जनामा संक्रमण पुष्टि भएको छ । त्यस्तै, आज २३ जना संक्रमणमुक्त भएका छन् ।

योसँगै सक्रिय संक्रमितको संख्या ८९ मा झरेको छ । आजसम्म ९जना अस्पतालमा भर्ना भएका छन् । तीमध्ये एकजना आइसीयु एकजना भेन्टिलेटरमा उपचाररत रहेको मन्त्रालयले जनाएको छ ।