भारतबाट घटेर आयो पेट्रोलियमको मूल्य, नेपालमा घट्ला त ?
काठमाडौं,बैशाख १९ । भारतबाट पेट्रोलियमको मूल्य घटेर आएको छ ।
भारतीय आयल कर्पोरेसनले पठाएको नयाँ मूल्य सूचीमा पेट्रोल प्रतिलिटर ४ रुपैयाँ ३७ पैसा, डिजेल ४ रुपैयाँ १६ पैसा र मट्टितेल ३ रुपैयाँ ४८ पैसा घटेर आएको हो ।
त्यस्तै, खाना पकाउने एलपी ग्याँस पनि प्रतिसिलिन्डर ३ सय ९ रुपैयाँ घटेर आएको छ । भारतबाट घटेर आएपनि नेपालमा के गर्ने भन्ने सम्बन्धी नेपाल आयल निगमले कुनै जानकारी दिएको छैन ।