सुनको मूल्य प्रतितोला ९ सय रुपैयाँले घट्यो, कतिमा हुँदैछ कारोबार ?

काठमाडौं,बैशाख १० । साताको पहिलो कारोबारको दिन सुनको मूल्य प्रतितोला ९ सय रुपैयाँले घटेको छ ।

आइतबार (आज) छापावला सुनको मूल्य प्रतितोला १ लाख ९ हजार ३ सय रुपैयाँमा खरिद बिक्री भएको छ । अघिल्लो दिन (शुक्रबार) छापावला सुनको मूल्य प्रतितोला १ लाख १० हजार २ सय रुपैयाँमा कारोबार भएको थियो ।

नेपाल सुनचाँदी व्यावसायी महासंघका अनुसार आज तेजावी सुनको मूल्य प्रतितोला १ लाख ८ हजार ८ सय रुपैयाँमा खरिद बिक्री भएको छ । शुक्रबार तेजावी सुनको मूल्य ९ लाख ९ हजार ६ सय ५० रुपैयाँमा कारोबार भएको थियो ।

साथै,आज चाँदीको मूल्य प्रतितोला ५ रुपैयाँले घटेको छ । आज प्रतितोला १ हजार ४ सय ४० रुपैयाँमा कारोबार भएको छ । अघिल्लो दिन १ हजार ४ सय ४५ रुपैयाँमा कायम रहेको थियो ।