आज कति छ सुनचाँदीको मूल्य ?

काठमाडौं,चैत २६ । साताको पहिलो कारोबार दिन सुनको मूल्य स्थिर रहेको छ । गत शुक्रबार १ लाख १० हजार रुपैयाँमा कारोबार भएको छापावाला सुन आज पनि सोही मूल्य निर्धारण भएको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनका भाउ भने प्रतितोला १ लाख ९ हजार ५ सय रुपैयाँ कायम भएको छ ।

यस्तै, आइतबार चाँदीको मूल्य पनि स्थिर रहेको अघिल्लो कारोबार दिन अर्थात शुक्रबार १ हजार ४४० रुपैयाँमा किनबेच भएको थियो । आज पनि सोही मूल्य निर्धारण भई खरिदबिक्री हुने महासंघले जनाएको छ ।