सुनको मूल्य प्रतितोला १ हजारले बढ्यो, कतिमा हुँदैछ कारोबार ?

काठमाडौं,चैत २१ । एकै दिनमा सुनको मूल्य प्रतितोला १ हजार रुपैयाँले बढेको छ । साताको तेस्रो कारोबारको दिन छापावला सुनको मूल्य प्रतितोला १ लाख ९ हजारमा कारोबार भएको छ । अघिल्लो दिन १ लाख ८ हजारमा कारोबार भएको थियो ।

नेपाल सुनचाँदी व्यावसायी महासंघका अनुसार तेजावी सुनको मूल्य १ लाख ८ हजार ५ सय रुपैयाँमा कारोबार भएको छ । सोमबार १ लाख ७ हजार ५ सय रुपैयाँमा कारोबार भएको थियो ।

साथै, आज चाँदीको मूल्य प्रतितोला १० रुपैयाँले बढेर प्रतितोला १ हजार ४ सय रुपैयाँ कायम भएको छ । अघिल्लो दिन १ हजार ३ सय ९० रुपैयाँमा कारोबार भएको थियो ।