फेरि बढ्यो सुनचाँदीको भाउ, प्रतितोला कति पुग्यो ?

काठमाडौं,फागुन १७ । बुधवार सुनको भाउ महंगिएको छ । आज नेपाली बजारमा छापावाला सुनको भाउ प्रतितोला ५ सय रुपैयाँले बढेको हो ।

साताको तेस्रो कारोबार दिन अर्थात मंगलबार १ लाख १ हजार ८ सय रुपैयाँमा खरिदबिक्री भएको सुन आज बढेर १ लाख २ हजार ३ सय रुपैयाँ पुगेको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनको मूल्य १ लाख १ हजार ८ सय रुपैयाँ कायम भएको छ ।

यस्तै, आज चाँदीको मूल्य पनि वृद्धि भएको छ । आज चाँदी तोलामा १५ रुपैयाँले बढेर १ हजार २७० रुपैयाँ कायम भएको छ ।