घट्यो सुनचाँदीको मूल्य, प्रतितोला कति सस्तियो ?

काठमाडौं,फागुन १४ । साताको पहिलो कारोबार दिन सुनको भाउ सस्तिएको छ । नेपाली बजारमा आइतबार छापावाला सुनको मूल्य प्रतितोला ४ सय रुपैयाँले घटेको छ ।

अघिल्लो दिन अर्थात शुक्रबार १ लाख २ हजार ४ सय रुपैयाँमा कारोबार भएको सुन आज घटेर १ लाख २ हजार रुपैयाँ कायम भएको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनको भाउ भने १ लाख १ हजार ५ सय रुपैयाँ निर्धारण भएको छ ।

यस्तै, आइतबार चाँदीको मूल्य पनि घटेको छ । आज चाँदी तोलामा १५ रुपैयाँले घटेर १ हजार २६० रुपैयाँ कायम भएको महासंघले जनाएको छ ।