सुनचाँदीको मूल्यमा गिरावट, कतिमा हुँदैछ कारोबार ?

काठमाडौं,फागुन १२ । साताको अन्तिम कारोबार दिन सुनको मूल्यमा सामान्य गिरावट आएको छ ।

शुक्रबार छापावाला सुनको भाउ प्रतितोला १ सय रुपैयाँले घटेर १ लाख २ हजार ४ सय रुपैयाँ कायम भएको छ । नेपाल सुनचाँदी व्यवसायी महासंघका अनुसार बिहीवार भने नेपाली बजारमा १ लाख २ हजार ५ सय रुपैयाँमा खरिदबिक्री भएको थियो । आजका लागि तेजावी सुनको भाउ भने १ लाख १ हजार ९ सय रुपैयाँ कायम भएको छ ।

यस्तै, आज चाँदीको मूल्य पनि घटेको छ । आज चाँदी तोलामा १० रुपैयाँले घटेर १ हजार २७५ रुपैयाँ कायम भएको छ । बिहीवार १ हजार २८५ रुपैयाँमा खरिदबिक्री भएको थियो ।