कांग्रेस संसदीय दलको नेता चुन्न निर्वाचनको तालिका सार्वजनिक
काठमाडौं,पुस ५ । नेपाली कांग्रेसले संसदीय दलको नेता निर्वाचनको तालिका सार्वजनिक गरेको छ । कांग्रेसको संसदीय दलको नेता तथा कार्यसमिति निर्वाचन समितिले सोमवार निर्वाचन तालिका सार्वजनिक गरेको हो ।
तालिका अनुसार आगामी बुधवार निर्वाचन हुनेछ । मनोनयन भने भोलि बिहान ५ बजेदेखि १० बजेसम्म राखिएको समितिले जनाएको छ । यस्तै उम्मेदवारको प्रथम नामावली प्रकाशन भोलि बिहान १०ः३० बजे र उम्मेदवारको दरखास्त उपर दाबी विरोध सोही दिन बिहान ११ बजेदेखि ११ः३० बजेसम्म हुने कार्यतालिका छ ।
उम्मेदवारको अन्तिम नामावली प्रकाशन भने सोही दिन दिउँसो ३ बजे हुने तालिका छ । निर्वाचन भने बुधवार बिहान ६ बजेदेखि १० बजेसम्म हुने कांग्रेसले जनाएको छ ।
