नुवाकोट पञ्चकन्यामा दुईवटा सुविधासम्पन्न एम्बुलेन्स भित्रियो
नुवाकोट,पुस २ । जिल्लाको पञ्चकन्या गाउँपालिकामा दुईवटा सुविधा सम्पन्न एम्बुलेन्स भित्रिएको छ । पञ्चकन्या गाउँपालिकाका दुईवटा स्वास्थ्य संस्थाको नाममा एम्बुलेन्स भित्रिएको हो ।
प्राप्त एम्बुलेन्समा माल्टेजर इन्टरनेशनलको बजेट आरएसडिसी ( ग्रामीण स्वाबलम्बन )संस्थाको १६ लाख, हेफर इन्टरनेशनलको ५ लाख र बाकी गाउँपालिकाको रकमसहित कुल २४ लाखमा एम्बुलेन्स भित्रिएको श्रोतले जनाएको छ ।
त्यस्तै अर्को एम्बुलेन्समा वाग्मती प्रदेशबाट राधिका तामाङको पहलमा १८ लाख र बाकी नपुग रकम गाउँपालिकाबाट ब्यहोर्ने गरि खरिद गरिएको छ ।
गाउँपालिकामा संचालित एम्बुलेन्स पछिल्लो समय पुरानो भइ नचल्ने भएपछि नागरिकको स्वास्थ्यसंग प्रत्येक्ष सम्बन्ध राख्ने एम्बुलेन्स खरिद गरिएको बताइएको छ ।
भिडियो हेर्नुस्