क्रोएसियालाई हराउँदै अर्जेन्टिना विश्वकपको फाइनलमा

एजेन्सी,मंसिर २८ । अर्जेन्टिना विश्वकपको फाइनलमा पुगेको छ । बुधबार बिहान सम्पन्न सेमिफाइनल खेलमा क्रोएसियालाई ३-० गोल अन्तरले परजित गर्दै अर्जेन्टिना कतार विश्वकपको फाइनलमा पुगेको हो ।

अर्जेन्टिनाको जितमा खेलको ३४औं मिनेटमा लियोनेल मेसीले पेनाल्टीमार्फत गोल गरेका थिए भने जुलियन अल्भारेजले खेलको ३९औं र ६९औं मिनेटमा दोस्रो र तेस्रो गोल गरेका थिए ।

१९७८ र १९८६ मा विश्वकपको उपाधि जितेको अर्जेन्टिना योसहित छैटौं पटक विश्वकपको फाइनलमा पुगेको छ । अर्जेन्टिना यसअघि सन् १९३०, १९७८, १९८६, १९९०, २०१४ फाइनलमा पुगेको थियो ।