आज कति छ सुनचाँदीको भाउ ?

काठमाडौं,मंसिर २६ । सोमबार सुनको मूल्यमा गिरावट आएको छ । साताको दोस्रो कारोबार दिन नेपाली बजारमा छापावाला सुनको भाउ तोलामा ३ सय रुपैयाँले घटेको हो ।

अघिल्लो दिन अर्थात आइतबार १ लाख ५ सय रुपैयाँमा कारोबार भएको सुन आज घटेर १ लाख २ सय रुपैयाँ कायम भएको छ । नेपाल सुनचाँदी व्यवसायी महासंघका अनुसार आजका लागि तेजावी सुनको भाउ भने ९९ हजार ७ सय रुपैयाँ निर्धारण गरिएको छ । तेजावी सुन आइतबार १ लाख रुपैयाँमा खरिदबिक्री भएको थियो ।

यस्तै, उक्त दिन चाँदीको मूल्य पनि घटेको छ । आज चाँदी तोलामा १० रुपैयाँले घटेर १ हजार ३९० रुपैयाँ कायम भएको छ ।