सुनचाँदीको मूल्यमा गिरावट, आज कतिमा हुँदैछ कारोबार ?

काठमाडौं,कात्तिक २१ । सोमबार सुनको मूल्यमा गिरावट आएको छ । नेपाली बजारमा छापावाला सुनको भाउ तोलामा २ सय रुपैयाँले घटेको हो ।

साताको पहिलो कारोबार दिन अर्थात आइतबार ९४ हजार ५ सय रुपैयाँमा कारोबार भएको सुन आज घटेर ९४ हजार ३ सय रुपैयाँ कायम भएको छ ।

नेपाल सुनचाँदी व्यवसायी महासंघका अनुसार आजका लागि तेजावी सुनको भाउ भने ९३ हजार ८ सय रुपैयाँ तोकेको छ । आइतबार तेजावी सुन ९४ हजार रुपैयाँमा खरिदबिक्री भएको थियो ।

यस्तै, आज चाँदीको भाउ पनि घटेको छ । आज चाँदी प्रतितोला १० रुपैयाँले घटेर १ हजार २६५ रुपैयाँ कायम भएको छ ।