तिहार लगत्तै घट्यो सुनचाँदीको भाउ, कतिमा हुँदैछ कारोबार ?

काठमाडौ,कात्तिक १३ । आइतबार सुनको मूल्यमा गिरावट आएको छ । साताको पहिलो कारोबार दिन छापावाला सुनको भाउ तोलामा १ हजार रुपैयाँले सस्तिएको हो ।

नेपाल सुनचाँदी व्यवसायी महासंघका अनुसार आजका लागि सुनको भाउ प्रतितोला ९३ हजार रुपैयाँ कायम भएको छ । अघिल्लो दिन अर्थात कात्तिक ७ गते ९४ हजार रुपैयाँमा खरिदबिक्री भएको थियो ।

महासंघले आजका लागि तेजावी सुनको भाउ भने ९२ हजार ५ सय रुपैयाँ तोकेको छ । यस्तै, आज चाँदीको मूल्य पनि घटेको छ । आज चाँदी तोलामा १५ रुपैयाँले घटेर १ हजार २ सय रुपैयाँ कायम भएको छ ।