सुनको मूल्यमा गिरावट, कतिमा हुँदैछ कारोबार ?
काठमाडौंं,कात्तिक ३ । आज सुनको मुल्यमा सामान्य गिरावट आएको छ । नेपाल सुनचाँदी महासंघका अनुसार बिहिबार सुनको मुल्यमा १०० रुपैयाँले घटेको छ ।
आज छापावाल सुनको मूल्य ९३ हजार १०० र तेजाबी सुनको मूल्य प्रतितोला ९२ हजार ६०० रुपैयाँ कायम भएको छ । हिजो बुधबार छापावाल सुनको मूल्य प्रतितोला ९३ हजार २०० र तेजाबी सुनको मूल्य प्रतितोला ९२ हजार ७०० रुपैयाँ तोकिएको थियो ।
हिजो बुधबार पनि सुनको मूल्य प्रतितोला २०० रुपैयाँले घटेको थियो । मंगलबारको तुलनामा ९३ हजार ४०० रुपैयाँ र तेजाबी सुनको मूल्य तोलामा ९२ हजार ९०० रुपैयाँ थियो ।
आज पनि मूल्य घटेसँगै लगातार दोस्रो दिन समेत मूल्य घटेको हो । त्यस्तै, चाँदीको मूल्यमा समेत लगातार दोस्रो दिन गिरावट आएको छ । आज तोलामा ५ रुपैयाँले घटेको चाँदी हिजो पनि सोही रकम गिरावट आएको थियो । आज चाँदीको मूल्य तोलामा ११ सय ७० रुपैयाँ छ ।