नुवाकोट लिखु गाउँपालिका वडा नम्बर ५ मा नवनिर्मित स्वास्थ्य भवन उद्घाटन
नुवाकोट,असोज ३१ । जिल्लाको लिखु गाउँपालिका वडा नम्बर ५ मा नवनिर्मित स्वास्थ्य भवन उद्घाटन भएको छ ।
सोमबार एक कार्यक्रम बीच वडा नम्बर ५ मा रहेको भेडाराख्ने चौरमा नवनिर्मित भवनको गाउँपालिकाका अध्यक्ष ध्रुव श्रेष्ठले उद्घाटन गरेका हुन।
भवन निर्माणसंगै नियमित चेकजाच, गर्भवती जाच,परिवार नियोजन सेवा, खोप सेवा, पोषण सेवा, गाउँघर क्लिनिक,सुत्केरी जाच लगायतको सेवा स्थानीयले पाउने छन् ।
सो कार्यक्रममा स्वास्थ्य संस्थाका लागि आवश्यक जग्गा दाता स्थानीय राजन पौडेल र भिमसेन बहादुर ढुगानालाई सम्मान गरिएको लिखुका स्वास्थ्यकर्मी सुदीप अधिकारीले बताएका छन् ।