साताको अन्तिम कारोबार दिन घट्यो सुनचाँदीको भाउ

काठमाडौं,असोज २८ । साताको अन्तिम कारोबार दिन सुनको भाउ सस्तिएको छ । आज छापावाला सुनको भाउ तोलामा १०० रुपैयाँले घटेको हो ।

बिहीबार ९४ हजार २०० रुपैयाँमा कारोबार भएको सुन आज घटेर ९४ हजार १०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार शुक्रबारका लागि तेजावी सुनको भाउ भने ९३ हजार ६०० रुपैयाँ निर्धारण भएको छ ।

यस्तै, उक्त दिन चाँदीको मूल्यमा पनि गिरावट आएको छ । आज चाँदी तोलामा ५ रुपैयाँले घटेर १ हजार १८५ रुपैयाँ कायम भएको छ ।