नेपालको आर्थिक वृद्धिदर ४.७%मा सीमित रहन्छ : एडीबी

काठमाडौं,असोज ६ । एशियाली विकास बैंक (एडीबी)ले चालू आर्थिक वर्ष २०७९/८० मा नेपालको आर्थिक वृद्धिदर ४ दशमलब ७ प्रतिशतमा रहने प्रक्षेपण गरेको छ । एडीबीले गएको अप्रिलमा नेपालको आर्थिक वृद्धिदर ५ प्रतिशत रहने प्रक्षेपण गरेको थियो। 

एडीबीले बुधवार ‘एशियन डेभलपमेन्ट आउटलुक २०२२’ प्रतिवेदन सार्वजनिक गर्दै यस्तो प्रक्षेपण गरेको हो । नेपाल सरकारले भने चालू आर्थिक वर्षमा ८ प्रतिशतको आर्थिक वृद्धिदरको लक्ष्य राखेको छ।
एशियाली विकास बैंक आउटलुकका अनुसार आयातमा वृद्धि, विदेशी विनिमय सञ्चितिमा उल्लेखनीय गिरावट र मुद्रास्फीतिको दबाबले गर्दा कमि आएको छ ।  

“आयातमा अंकुश लगाउन आवश्यक पर्ने अधिकारीहरूले थप कडा कदम चाल्दा आर्थिक वृद्धिमा नकारात्मक असर पर्ने जोखिम उत्पन्न हुन सक्छ, जसले घरेलु उत्पादन र उपभोगमा असर पार्छ र वृद्धिलाई प्रतिकूल असर पार्छ,” नेपालका लागि एडीबीका देशीय निर्देशक अर्नाउड काउकोइसले भने। “लकडाउन उपायहरू निम्त्याउने कोभिड संक्रमणको पुनरुत्थान, कमजोर स्वास्थ्य प्रणालीलाई तनाव दिने डेंगु ज्वरोको तीव्रता, प्राकृतिक प्रकोपहरूबाट उत्पन्न प्रकोपहरू, र भू-राजनीतिक उथलपुथलले वृद्धिको सम्भावनालाई अझ कम गर्न सक्छ।”

आन्तरिक माग, बढ्दो मूल्य र बढ्दो आयातलाई नियन्त्रण गर्न उच्च कर्जा वृद्धिलाई रोक्ने उद्देश्यले मौद्रिक नीति संकुचनात्मक रहेको एडीबीको प्रक्षेपण छ।