नुवाकोट क्षेत्र नम्बर २ बाट प्रत्यक्षतर्फ वहादुरसिंह लामाको नाम सिफारिस

नुवाकोट,भदौ १७ । आगामी मंसिर ४ निर्वाचनका लागि नेपाली कांग्रेस नुवाकोट क्षेत्र नम्बर २ ले प्रतिनिधिसभाको निर्वाचनको प्रत्यक्षतर्फ बहादुरसिंह लामाको नाम सिफारिस गरेको छ ।

शुक्रबार सम्पन्न नेपाली कांग्रेस नुवाकोट क्षेत्र नम्बर २ को क्षेत्रिय समितिले प्रतिनिधिसभाको निर्वाचनको लागि लामाको नाम सिफारिस गरेको हो ।

लामासँगै प्रत्यक्षतर्फ राज्य लक्ष्मी पाण्डे श्रेष्ठ र लालीमाया तामाङको नाम समेत सिफारिस गरिएको नेपाली कांग्रेस नुवाकोट क्षेत्र नम्बर २ का एक नेताले जानकारी दिए ।