टाेखामा मोटरसाइकल दुर्घटना हुँदा एकको मृत्यु, एक घाइते
काठमाडौं,साउन १५ । टाेखा नगरपालिका वडा ३ स्थित झुडाेल सडकमा दुईवटा मोटरसाइकल एकापसमा ठोकिँदा एकजनाको मृत्यु भएको छ भने एक जना घाइते भएका छन् ।
टाेखा नगर प्रहरी प्रभागका अनुसार मृत्यु हुनेमा तार्केश्वर नगरपालिका मनमैजुमा बसोबास गर्ने २६ वर्षीय रोजिना महर्जन रहेका छन् ।
उनको टाउकोमा गम्भीर चाेट लागेको थियो । दक्षिणबाट पश्चिमतर्फ आउँदै गरेको बा ९६प २४४५ बाइक र टाेखाबाट ग्राण्डीतर्फ जाँदै गरेको बा ०२९ प / १०९८ स्कुटर एकापसमा ठक्कर खाएको थियो । दुर्घटनामा बा ०२९ प / १०९८ नं.को स्कुटर चालक महर्जनको उपचारका लागि ग्राण्डी अस्पतालतर्फ लैजादै गर्दा बाटोमा नै मृत्यु भएको प्रहरीले जनाएको छ ।
अर्का मोटरसाइकल चालक टाेखा नगरपालिका वडा – ३ का २४ वर्षीय समीर श्रेष्ठ बायाँ खुट्टा र अनुहारमा गम्भीर चोट लागि घाइते भएका छन ।